पुणे : महाराष्ट्र नवनिर्माण शिक्षक सेनेच्या वतीने १९ जुलै रोजी पुणे जिल्हा परिषदेचे शिक्षण आयुक्त, शिक्षण संचालक, शिक्षण उपसंचालक, जिल्हा परिषदेचे मुख्य कार्यकारी अधिकारी यांना निवेदन देण्यात आले. पुणे जिल्हा परिषदेच्या शाळांमधील शिक्षण सेवक नियुक्ती संदर्भातील मागण्यांचे हे निवेदन होते. या वेळी मनसे शिक्षक सेनेचे सचिव गणेश पाटील, प्रमोद जाधवर व सर्व डी. एड. शिक्षक उपस्थित होते.
जिल्हा परिषदेचे मुख्य कार्यकारी अधिकारी दौलत देसाई यांनी या शिक्षकांच्या नियुक्तीचे आदेश दिले व त्यांना २७ जुलैपासून शाळेत रुजू होण्याचे आदेश दिले.
मनसे शिक्षक सेनेचे सचिव गणेश पाटील यांच्या हस्ते या वेळी उपस्थित शिक्षकांना प्रातिनिधिक स्वरूपात नियुक्तीपत्र देण्यात आले.